Øystein Slettemark 10 kilometerimi normu 86-inngorpoq

Ujakkaarluni ooqattaasartartoq Øystein Slettemark Vancouverimi ukiuunerani OL-eqarnerani unamminerni ullumi peqataavoq, 10 kilometerimut unamminermi peqataagami. Ooqattaasarnerit katillugit quliupput, taakkunanngalu arfineq-marluk Øystein Slettemarkip uniorpai.
Allattoq Mads Lynge
februaarip 14-at 2010 17:02

Øystein Slettemark taamaasilluni normu 86-itut inissippoq, marlunngorpallu unamminissamut anngutinngitsoorluni.

Peqataasummi sukkanerit 60-it taamaallaat peqataasinnaatitaapput.

Sukkanernut ilaasinnaannginnini Øystein Slettemarkip Danmarkip Radioanut nassuerutigereerpaa.

Øystein Slettemark 10 kilometerit ingerlaaramigit minutsit 30-t sekundillu 55,8-t atorpai, ajugaasumit 7 minutsit sinnerlugit kigaannerulluni.

Ajugaasussatut ilimagineqaraluartoq Norgemiu Ole Ejnar Bjørndalen normu 17-inngorpoq.

Frankrigimeersoq Vincent Jay ajugaavoq kuultimillu ujaminnalluni. Siilvinnattoq tassaavoq Norgemiu Emil Hegle Svendsen, kroatiaminngaanneersorlu Jakov Fak bronzinnalluni.

Øystein Slettemark tulliani sisamanngorpat unammeqataassaaq, 20 kilometerimut unammeqataassagami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq