Østersø-mi saarulleqarlualerpoq

Østersømi saarulleqarlualerpoq, allaat Bornmholmip kangiani aappaagumiit nungusaataanngitsumik aalisarneqarsinnaalissasut, biologit imarmiunik sammisallit oqarput.
Allattoq Louise M. Kleemann
maajip 23-at 2008 09:22

Østersømi saarulleqassusiata qanoq ernumanartorsiortiginera ukiuni kingullerni tusartuarparput, maannali Imavinni misissuinerit pillugit nunat tamalaat siunnersuisartoqatigiiffiata ICES-ip, imartap ilaani aappaagumiit saarullittassat 15 procentimik amerleriarnissaat akueraa.

Østersø-lli kippasinnerusortaani saarulleqassuseq pisassiinerunissamut naammanngitsoq, ICES-ip erseqqissaatigaa, allaallu saarullittassat 29 procentimik ikileriartinnissaat siunnersuutigalugu.

Naatsorsuutigineqarpoq ministerit siunnersuisoqatigiivisa Østersøp kitaani saarullittassanik 15 procentimik ikililerinissaq akuerissagaat.

Østersømi saarulleqassuseq ilorraap tungaanut saakkiartortutut oqaatigineqarsinnaanngorpoq, naatsorsuutigineqarmat saarulliit siorna 2007-imut naleqqiullugu 60 procentimik suffinerussasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq