Per Ørum: Nunasiaataasimaneq pineqanngilaq

Taamaanngippat naalagaaffiup ukiumoortumik tapiisutigisartagai Det Konservative Folkepartip naalakkersuisunut tunuarsimaarfigitilerniarpaa, partiip nunarput pillugu oqaaseqartartua Per Ørum Jørgensen oqarpoq.

- Naammagittarnerput tamaanga killeqarpoq. Kalaallit Nunaanni qinersineqalerpoq. Naalakkersuisunngortussat nunap pisuussutaasa pingaarnersaat, siunissaalu paasisariaqarpaat, tassalu meeqqat.

- Naalakkersuisunngortussat suliniuteqarnissaannik pinngitsaalisariaqarput; meeqqat kaallutik innartannginnissaannut iliuuseqartoqarnianngippat uagut killiliisinnaanernik ujarlertariaqalissaagut.

- Kalaallit Nunaanni ajornartorsiut namminneerlutik qaangerniartariaqarpaat; meeqqat salliutinneqarsinnaapput, soorlu atuarfinni nerisaqartitsilernerni.

- Ulluni kingullerni oqallinnerni saqqummertualersoq uagut qangatut nunasiaatilittut suli aalajangersaaniartugut-mik oqaluttut ilumuunnginnerassavakka. Qanorluunniimmi inussiarnersumik oqaloqatigiikkaluarutta paasisariaqalerparput meeqqat salliutinneqarnissaat. Ullumikkummi paasereerparput Kalaallit Nunaat, taamaalillunilu Danmarki Naalagaaffiit Peqatigiit Meeqqat Pisinnaatitaaffiinik unioqqutitsisut.

Taamaammat inuit qanorluunnit oqalukkaluarpata ajornartorsiutip annertussusaa paasisariaqalerpaat. Tamannalu nunasiaateqarnermut attuumassuteqanngilaq.Meeqqat pillugit ajornartorsiut annertuvoq, ilumoorullugulu qaangerniartariaqarpoq.

Kalaallit meerartaasa atugaat pillugit aqagu Folketingimi oqallinneq, apeqquteqaateqarnerillu ingerlaqqissapput.