Per Ørum Jørgensen: Kalaallit Nunaanni taama ajornartorsiortoqartiginera alianarlunilu tujorminaqaaq
Kalaallit Nunaanni taama ajornartorsiortoqartiginera alianarlunilu tujorminaqaaq. Tamanna isiginngitsuusaaginnarsinnaanngilarput. Iliuuseqartariaqarpugut, Kalaallit Nunaat pillugu Konservativini oqaaseqartartoq, aamma Namminersorneq pillugu Ataatsimiititaliarsuarmi ilaasortaasoq, Per Ørum Jørgensen, oqarpoq.
novembarip 01-at 2007 06:36
Konservativini oqaaseqartartup taassuma Kalaallit Nunaanni partii suleqatigisani – tassa Demokraatit – oqaloqatigisimavai, aallakaatitami pisimasuvimmik tunngavilimmi ippassaq aallakaatinneqartumi ”Kalaallit Nunaannit qimarranneq”-mi ajornartorsiutit takusinnaasatik pillugit.
-Inuttut ajornartorsiutit aaqqiiviginissaannut 100 millioni koruuninik aningaasaliinissaminnut Demokraatit piareersimapput. Tamanna pisariaqarluinnarpoq silatusaarnerussallunilu. Neriuppunga Kalaallit Nunaanni partiit sinneri taamaaliornissaminnut aamma piareersimasut, Per Ørum Jørgensen oqarpoq.
Kalaallit Nunaatali allanit aqunneqalernissaanik Dansk Folkepartiip siunnersuutaa Per Ørum Jørgensenip isumaqatiginngilluinnarpaa.
