Århusimi kalaallit ikiortariallit ikiorniarneqalerput
Kalaallit ikiortariallit Århusimi najugallit ikiorneqarnerat Århusip kommuneata suli annertusiniaraa, nutaarsiassaqartitsiviup ritzaup allaaseraa.
Allattoq Louise M. Kleemann
aggustip 12-at 2008 10:55
Århusip kommuneata nalunaarusiaa naapertorlugu kalaallit 1.000-t missaat kommunimiit ikiorserneqarnissaminnik pisariaqartitsisuupput, amerlanersaat danskisut oqalussinnaanatillu paasisinnaanngillat. Taamaattumik danskit ulluinnarni inooriaasiannut akulerunneq sapertarput, kingunerisaanillu inuunerat ammut ingerlalersarluni.
Ritzauip allaaserisaa naapertorlugu Århusip kommunea maanna aningaasanik immikkoortitsivoq taakkulu aningaasat kalaallinut ikiortarialinnut danskisullu nutserunneqarusuttunut atorneqassapput.
Taamatuttaaq danskisut ilinniarusuppata aningaasat illikartitat tassuunakkut atorneqarsinnaassapputtaaq.
