Ålborgimi umiarsualivik ingerlalluarpoq

apriilip 24-at 2007 15:19

Ålborg-imi umiarsualivik ingerlalluarpoq, tassanngaanniit container-it Kalaallit Nunaaliartut aamma assartorneqartarput.

Ukioq kingulleq aningaasat kaaviiaartitat 23 %-mik qaffariaateqarput akileraarutillu ilanngaatigereernagit sinneqartoorutit 18,8 mio. kr.-nik amerlassuseqarput.

- Tamanna ajunngilluinnaqaaq, umiarsualivimmi pisortaaq; Svend Christensen, oqarpoq.

Siunissaq isumalluarnartoqarluartutut umiarsualivimmi pisortap takorloorpaa.

Ukioq kingulleq umiarsualiviup Kalaallit Nunaanut angallannikkut umiarsualivittut pingaanertut

inissisimanini ingerlateqqiinnarpaa, tamatumalu malitsigisaanik umiarsualiveqarnermut atatillugu, umiarsualiviup kangiatungaasigut sanaartornissamut ukiuni tulliuttuni 30-50-ni pilersaarut aamma naammassineqarpoq.

Umiarsualivik ilaatigut nammineq 300 mio. kr.-nik aningaasaateqartoq, ANR Radio taama oqaluttuarpoq.