Angutip 20-nik ukiullip piffissami sivisuumi ujaarineqartup Åge-Hans Olsenip timaa toqungasoq Nuup kangiatungaani Kuanninnguani ippassaq nassaarineqarpoq, taama Nuummi politiit ilisimatitsipput.
Åge-Hans Olsen maajip 19-ianili ujaarineqartoq, aputeqarallarmat snescooterit politiillu qimmii ikiorsiullugit ujaarineqaraluarpoq, iluatsitsiviunngitsumik.
Ippassarlu Quassussuup tunuanut pisuttuartup ilaata timaa toqungasoq siumorpaa, timaalu Nuummut ippassaq unnulersukkut oqqunneqarluni.
Politiit ilanngullugu oqaatigaat, toqusimasut timaannik misissuisartup misissuinerata takutikkaa, Åge-Hans Olsen pinerlineqarsimanngitsoq.
