½ millionit koruunit sinnerlugit Nanubørnimit katersorneqarput
Katersuiniarneq Nuummi Kulturikkut Illorsuarmi, Katuami, pivoq. Tusaamasat oqarasuaammik tigusisarput, aliikkusersuisullu tassaapput Nina Kreutzmnn Jørgensen, Anders Mattesen, Søs Fenger taavalu nipilersorluni DR-imi ajugaaniunnermi, X-Factorimi, peqataasimasut arlallit.
Air Greenlandip hangariani atisanik takutitsisoqarmat kalaallit takutitsipput, Charlotte Sparre-p, Isaksen Designikkut aamma Lennert Designikkut ilusilersugaannik atorlutik, taavalu meeqqat atisaannik ilusilersuisut tassaallutik Ticket to Heaven. Aqutsisut marluk, Julie Berthelsenip aamma Jim Lyngvildtip, tamanna ima aallartippaat:
- Tamassi tikilluaritsi, aamma angerlarsimaffimmi isiginnaaqataasut tamassi.
Aap, Nanubørn nuna tamakkerlugu katersuiniarneranni kalaallit pinneqisut atisanik ir Greenlandip hangariani takutitsimmata nipilersortut nipitoqaat. Nina Kreutzmann Jørgensenilli meeqqat erinarsoqatigiit ilisaritimmagit nipikinnerulerput.
X-Factorimi peqataasimasut arlallit aamma peqataapput. Alien Beat Clubikkullu nipilersorneranni tapersersuiartortut ilaat naapipparput. Taanna ateqarpoq Ulla, sooq hangariliarsimanersoq aperigatsisu oqarpoq, peqataanissani tapersersueqataanissanilu tikikkamili pilerigilersimallugu. Takusani qanoq iginerai aperaarput, akivorlu:
- Alutornat, nuannit! Aamma ulluinnarni taamaattunik takuneq ajorluni nunannersorujussuupput malinnaavigalugit.
Aliikkusersuineq naammassimmat Air Greenlandimi pisortaaneq Michael Binzer naammagisimaarinnillunilu nuannaaqisoq oqaloqatigitsiarparput.
- Peqataalluni nuanneqaaq, tassami Krissie peqatigalugu siornali pilersaarusiulerpugut, pilersaarutivut immaqa aappaatigut ingasattajaaruttaraluarlutigik, kisianni tassa siunniupparput Air Greenlandip hangariani aaqqissuussiniarluta. Kikkut tamarmik illaatigaatigut oqarlutillu iluatsitsinavianngitsugut. Kisianni tassa pilersaarutivut ullumikkut piviusunngortippavut, nuanneqaarlu peqataalluni, Michael Binzer oqarpoq.
Nujaleriffimmi Salon Pukimi nujalerisut atisanik takutitsisut nujalerisimavaat, stylistillu Dennis Knudsenip tanissimallugit.
