Mugabe Tuluit Nunaannit kiffaanngissuseqarniarnermi sapiitsuliorsimasutut Zimbabwe innuttaasuini taartumik amillit akornanni isigineqarpoqAssi: Alexander Joe/AFP/Ritzau Scanpix

Zimbabwep præsidenterisimassaa toquvoq

Zimbabwep præsidenterisimassaa Robert Mugabe 95-inik ukioqarluni toquvoq.

Nunap maanna præsidentia, Emmerson Mnangagwa Twitterikkut taama allappoq.

Robert Mugabe Zimbabwemi 1980-imit sakkutuunit 2017-imi uppitinneqarnermi tungaanut naalakkersuivoq.

Qaamasunik amilinnut nunamik aqutsisuusunut sakkulersorluni sivisuumik akersuuttoqareersoq nunami siuttunngorpoq.

Robert Mugabe Zimbabwep Afrikami aatsitassaqarfiunerpaat ilaanniittup aningaasaqarnera pitsaasumik inissisimasoq siuttunngorpoq, aningaasalli siuttunngornerata kingorna naleerukkiartupallapput, Zimbabwelu nunarsuarmi nunani piitsuunersaat ilaanniilerluni.

2000-imi aporaarfiusumik naqisimanniffiusumillu qinersisoqareermat, nunalerisut qaamasumik amillit sakkulisartunit nunamit anisitaasut. Robert Mugabep tamanna aalajangigarigaa amerlanerit isumaqarput.

Nunalerisut nunamit anisitaammata, Zimbabwemi nunalerineq unittoorpoq, nunallu bnp-a affaannanngorluni. Nunap innuttaasumut ataatsimut bnp-a ullumi appasinnersaat ilaanniippoq, nunanilu allani inuit inuunerisa sivisussusaanut naleqqiullugu Zimbabwemi inuit sivikinnerujussuarmik inuunissaat naatsorsuutigineqartarluni, innuttaasut akornanni piitsut amerlanersaat ilaanniillutik HIV-millu tunillatsissimasut amerlasoorpassuullutik.

Mugabe Tuluit Nunaannit kiffaanngissuseqarniarnermi sapiitsuliorsimasutut Zimbabwe innuttaasuini taartumik amillit akornanni isigineqarpoq

Mugabep sivisuumik peqqiilliorsimasoq BBC allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat