Zimbabwemi kolera tunillaassuuttoq inuppassuit toqqutigaat
Naalagaaffiit Peqatigiit peqqinnissakkut suleqatigiiffiat WHO ullumi nalunaarpoq koleramik toqquteqartut maanna 1.564-inngortut inuillu 29.000-t sinneqartut nappaalasut.
Allattoq Louise M. Kleemann
decembarip 29-at 2008 11:41
Sapaatip-akunnera kingulliinnaq inuit 400-t koleramit toqquteqarput.
Zimbabwemi nunamik aqutsineq – præsidentip Robert Mugabep siuttuuffigisaa suli aamma ilungersunartorsiorfiuvoq.
Nunap aningaasaqarnera sussaanngilluinnarpoq, inuussutissanik amigaateqarput politikkikkullu najummassimanartorsiortoqarpoq.
Kolera tassaavoq nappaat nassaniittartoq. Tunillanneqarsimagaanni ullualunnguit qaangiutiinnartut sakkortuumik timmittoqalertarpoq, allaat ullormut inuup timaata imerpalasoq 24 literi katassinnaasarlugu. Akiuussutissatuaavoq imerluarnissaq, imermik sukkulimmik.
