Ukiut inuuffiit nunani assigiinngitsuni qanoq innersut, FN-ip nalunaarusiaani erserpoq. Afrika-mi Zimbabwe-mi inuit inuusarnerat nunanut allanut naleqqiullugu sivikinnersaavoq, Zimbabwe-mi arnat ukiut 34-iinnaat agguaqatigiisillugu inuusarput, angutillu ukiut 37-iinnaat inuusarlutik.
Zimbabwe-mi inuit toqujaartarnerat napparsimasarnernik piitsuunermillu pissuteqarpoq, nappaataakkajuttunullu ilaavoq HIV, tunillatsikkajunnerillu arnaanerusut WHO-p peqqissutsimik misissuisimanerani paasineqarpoq. Piitsuunerulersimanermut pissutaatinneqarpoq, præsidentip Mugabe-p nunamik aqutsilernermi nalaani, Zimbabwe-p aningaasaqarnera procentinik 40-nik appariarfiusimanera.
Nunarsuatsinni inuit inuunertunersaapput Japaniumiut, taakkua agguaqatigiisillugu ukiut 82-it angusaramikkit, taama aviisi Politiken allaaserisaqarpoq.