Atomimik nukissiorneq pillugu nunat tamalaat nakkutilliisuutitaa naapertorlugu Murasjovip tigummigallarneqartoq russinit uppernarsarneqarpoq.Assi: Genya Savilov/AFP/Ritzau Scanpix

Zelenskyj: Atomimik nukiliorfiup pisortaa russinit aallarunneqarpoq

Ukrainemi atomimik nukiliorfiup pisortaa sooq tigummigallarneqarnersoq suli nalunaarutigineqanngilaq, tamannalu aallarussinertut Zelenskyj-p taavaa.

Ukrainemi atomimik nukiliorfiup Zaporizjzjap pisortaata russinit tigummigallarneqarnera Ukrainep præsidentianit Volodymyr Zelenskyjimit  assuarineqarpoq.

Atomimik nukuliorfiup pisortaa Ihor Murasjov russit sakkutuuinit tallimanngormat tigusarineqarpoq.

Tamanna peqqarniisaarniarnertut Ukrainep præsidentianit oqaatigineqarpoq, aallarussinnertullu taallugu.

Atomimik nukissiorneq pillugu nunat tamalaat nakkutilliisuutitaa naapertorlugu Murasjovip tigummigallarneqartoq russinit uppernarsarneqarpoq.

AAMMA ATUARUK Ukrainemi atomimik nukissiorfimmi atomiliuutit ilaat qaminneqartoq

Atomimik nukissiorneq pillugu nunat tamalaat nakkutilliisuutitaa oqartussaasunut attuumassuteqartunut qanittumik attaveqarsimavoq pissutsilllu qanoq innerannik paasisimasaqarluarlutik.

Nakkutilliissuutitat oqarnerat naapertorlugu nukissiorfiup pisortaata tigummigallarneqarnera atomimik nukiliorfeqarnerup isumannaatsuunissaanut malunnaatilimmik pingaaruteqarpoq.

Ukrainemi nunap immikkoortua Zaporizjzja Ruslandimut atalernera tallimanngormat malunnartinneqarpoq.

Atomimik nukiliorfik aamma Zaporizjzjamik taaguuteqartoq russit sakkutuuinit marsimi tiguarneqartoq russit sakkutuuinit suli nakkutigineqarpoq. Tassani sulisut Ukrainemiuupput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl