Zarqawip toqutaanera iluarusuutigineqarpoq
Pinerliiniat siuttuata Zarqawip ippassaq toqutaanera irakimiunit ernummatigineqaraluaqisoq, Irakimi naalakkersuisut amerikamiullu iluarusupput.
Irakimi biilinik angallattoqaqqusaajunnaarnera Irakip illoqarfiisa pingaarnersaanni Bagdadimi illoqarfimmilu eqqiissiviilliorfiusumi Bakubami pivoq. Tamatuma nalaa tassaavoq Zarqawip ippassaq toqutaaffiata eqqaa. Taamatut angallattoqaqqusiunnaarnerata tallimanngornermi qinusoqartarnera nalerorpaa.
Pinerliiniat akiniaariataarnissaannut annilaangasoqarneratuulli annilaanganissaminngarnit Irakimilu naalakkersuisut Zarqawip toqutaanera qiimmattaatigineruaat.
- Irakimi isumannaatsoqarnissaanut tamanna aallarniutaavoq, aammalu nunami maani pinerliiniaqatigiikkuutaat eqqissinissaannut aallarniutaasoq, Irakip naalagaaffiani pissutsinut ministeri taama issuarneqarpoq.
Amerikamiuttaaq neriuuteqarlualerput, amerikamiut Irakimiit oqaaseqartartuat oqarpoq, pinerliinianut tunngatillugu paasissutissanik eriagineqarsinnaasunik paasisaqarsinnaalerlutik.
Tassami sapaatip-akunnerpassuit atorlugit Zarqawi ujaarineqarsimavoq, ilaatigut Zarqawip siunnersortaa aqqutigalugu aammalu timmisartoq nutaaliaq inuttaqanngitsoq nunamiit aqunneqartartoq marsertittarlugu aatsaat nassaarineqarsinnaasimalluni. Taamatutttaaq ersertortumik paasiniaasartut Zarqawimut tunngatillugu ilisimasaqarsinnaasunik paasiniaavigineqarsimapput. Naggataagut Zarqawi illumi qimanneqarsimasumi toqqorsimasoq nassaarineqarpoq.
Maannalu ilisimaneqanngilaq kina maanna pinerliiniaqatigiinni Al-Qaida-kkunni siuttorineqalersimanersoq. Taamaakkaluartorli suli amerikamiut saassutaarineqartuarnissaat qularutigineqanngilaq.
