Zackenberg Kalaallit Nunaannit pigineqalerpoq

Ilisimatusarfik Zackenberg Kalaallit Nunaannit pigineqalerpoq, tamaasillunilu aningaasaateqarfiit ilaata piorsarneqarnissaa akilersinnaanngorpaa, ilisimatuullu nunanit tamaneersut amerlanerit Tunup Avannaanukarnerusalissapput.

Namminersornerullutik Oqartussani ilisimatusarnermut siunnersorti Tom Greiffenberg aperigatsigu Danmarkimi finanudvalgi ilisimatusarnermut tunngasutigut qanoq aalajangigaqarsimanersoq ima akivoq:

Folketingip finansudvalgiata aalajangiuppaa ilisimatusarfik Zackenberg Namminersornerullutik Oqartussanit pigineqalissasoq.

Piginnittunngornerup nuannersortariinnanngilaa akeqanngitsumik tunniussisoqarnera, aammali ukiuni tulliuttuni qulini Zackenbergip ingerlanneqarnera Dansk Polarcenterimit akilersorneqassasoq aaliangiunneqarpoq.

Kalaallit nunaata Zackenbergimit piginnittunngornerata kingunerisaanik Åge V. Jensenip aningaasaateqarfiata ilisimatusarfik allissavaa najugaqarfinnik, laboratorianik kiisalu sannavinnik sanaartornermigut.

Aningaasaateqarfiup siusinnerusukkut ilisimatittissutigereeramiuk ilisimatusarfik Zackenberg kalaallinit aatsaat pigineqarpat allisinniarlugu.

Ilisimatusarfiup Zackenbergip illuutai Asiamut atalissapput, siunissamilu nunatsinni ilisimatusarnermik aallussiffiusunit ilinniarfinnillu ilisimatusarnermik ingerlatsiffiusunit atorluarneqarnerulissallutik.

Zackenberg piorsarneqarnermigut ukioq naallugu atorneqarsinnaalissaaq, ullumikkut aasaanerinnaani qaammatini pingasuinnarni atorneqartaraluarami.

Zackenbergimi avatangiisinik ilisimatusarnerit ingerlanneqartarput, soorlu pinngortitami naasut uumasullu misissuiffigineqartarlutik, kiisalu nunap sannanut tunngasut sumiiffinni aaliangersimasuni malinnaavigineqartarput, kiisalu kuuit eqqaalu ilisimatusarfigineqartarlutik.

Tom Greiffenberg aamma oqarpoq Zackenbergip pigineqalernera nunat tamalaat akorngannut attaveqarnitsinnut iluaqutaassasoq, pinngortitap allanngoriartornerata ilisimatusarfigineratigut Kalaalit Nunaat ornittagaannartut isigineqarunnaarluni aammali najorlugu ilisimatusarfiusinnaasutut ilisimaneqalissammat.

Zackenberg Tunup Avannaani 1995-mi pilersinneqarsimavoq nunallu tamalaat ilisimatusarlutik ingerlataannut peqataareerluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat