Zacharias Kunuk Canadami naggueqatigiinni inunni filmiliortartuni ilitsersuisartunilu ataqqisaanerpaatut isigineqarpoq. Filmiliaani tusaamaneqarnerpaaq tassaavoq 2001-mi filmiliaa Atanarjuat, taanna Inuktitut filmiat siullersaraat. Toqqorsivimmit assi

Zacharias Kunuup filmiliaa kingulleq nersornaaserneqaqqittoq

Canadami naggueqatigiinni inunni filmiliornermi ilitsersuisartuni ataqqisaanerpaap, Zacharias Kunuup, filmiliaa kingulleq nersornaaserneqaqqippoq.

Taassumammi filmiliaa kingulleq, One Day in the Life of Noah Piugattuk, Canadami 2019-mi filmiliarineqartuni pitsaanerpaat qulit akornanniittutut International Toronto Film Festivalimi toqqarneqarpoq.

Canadami naalakkersuisut allaffeqarfianni atorfillip qaamasumik amiliusup Igloolimmiumik Noah Piugattuummik siullerpaamik 1961-mi naapitsinerata tamatumalu inuit ulluinnarnni inuunerannik allannguilluinnarnera filmimi, Igloolimmi Nunavummi Qeqertaaluup avannarpasissortaaniittumi immiunneqartumi, oqaluttuarineqarpoq.

AAMMA ATUARUK Zacharias Kunuks film bliver vist på international filmfestival

Filmilu taanna Vancouver Internationale Film Festivaleqartoqarmat Canadami ukiormanna filmiliarineqartuni pitsaanerpaatut toqqarneqarpoq.

Filmi taanna filmfestivalimi Venedig Biennalemi Canada sinnerlugu takutinneqarmat Europami upernaaq takuteqqaarneqarpoq.

Zacharias Kunuk Canadami naggueqatigiinni inunni filmiliortartuni ilitsersuisartunilu ataqqisaanerpaatut isigineqarpoq.

Kunuup filmiliarisartagai tamarmik naggueqatigiit inuit taakkualu kulturiat pillugit filmiliaapput, kulturi allanik assigineqanngitsoq nuarsuarmiunut saqqummiunniarneqarluni, nunasiaataasimanerullu kingunipilugisartagai takutinniarneqarlutik.

AAMMA ATUARUK Inuit-filmindustrien vokser

Zacharias Kunuup filmiliaani tusaamaneqarnerpaaq tassaavoq 2001-mi filmiliaa Atanarjuat, taanna Inuktitut filmiat siullersaraat.

Zacharias Kunuk arlalinnik filmiliaqarpoq, inuit kulturiannik ersersitsisut, issittumilu 1950-ikkunni allannguutit amerlasuut takutinniarneqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat