Xingjiangimi unnuakkut aneqqusaajunnaarput

Taama nalunaaruteqartuuvoq Kinami nutaarsiassaqartitsivik Xinhua.

Ullumi politiit illoqarfimi pingarnermi Urumqimi gassi qulliliornartoq atortariaqarsimavaat. Kinamiut kamaqisut aqqusinermeerrassimapput innuttaasut muslimiusut uighurit, ulluni kingullerni akerliussutsimik takutitsisarnerannut akerliuniarlutik. Inuiaqatigiinni immikkoortunit marlunnit taakkunannga pinerliiniaqatigiit aqqusinerni aserorterisimapput.

Illuniit aneqqusiunnaarneq Kinami nalunaaqutaq malillugu unnugu nal. qulingiluaniit aqagu ullaakkut nal. arfineq-pingasunut atuutissaaq. Eqqissiviilliornermi toqutaasut amerlassusiat ammip qalipaataa pissutigalugu pikitsitsinermut assingunerujartuinnartoq sapaatip akunnerata naanerani aallartippoq, toqutaasullu maanna 156-inngorput.