Xi aamma Putin Ukraine oqaloqatigiissutiginiarlugu naapittussanngortut

Xi aamma Putin Ukrainep russinit saassunneqarnerata kingornali aatsaat, tassa ullumi sisamanngornermi naapittussanngorput.
Russit Ukrainemut saassussinerat pinngitsiartoq, Xi aamma Putin killilersugaanngitsumik suleqatigiinniarlutik isumaqatigiissusiorput. Tassalu taamanili naapikkamik aatsaat ullumi sisamanngornermi naapeqqittussanngorput. Assi © : Just Click's With A Camera/flickr
Allattoq Ritzau
septembarip 15-at 2022 08:34
Nutserisoq Apollo Jeremiassen

Kinamiut præsidentiat Xi Jinping aamma russit præsidentiat Vladimir Putin Usbekistanimi ullumi sisamanngornerrmi naapissapput.

Tyskit nutaarsiassaqartitsiviat DPA taama allappoq.

Præsidentit taakku Ukrainep russinit februaarimi saassunneqarnerata kingornali aatsaat naapittussanngorput.

Ukrainemi sorsuunneq pillugu sukumiisumik oqaloqatigiinnerit pissasut, russit naalakkersuisusa oqaaseqartartuisa nalunaarutigaat.

AAMMA ATUARUK Ruslandip Kinallu gassimut aqqut ammaraat

Russit Ukrainemut sorsunnerat Kinamiut tapersersorlugu oqaatigisareerpaat sorsunnerlu USA-p aamma NATO-p akisussaaffigigaat aamma isumaqarlutik.

Russit Kinamiullu ukiuni kingullerni suleqatigiillualersimapput. Taamaaliornerminni USA-p nunarsuatsinni pissaaneqarnera illuatungilerniarlugu suleqatigiillutik.

Russit Ukrainemut saassussinerat pinngitsiartoq, Xi aamma Putin killilersugaanngitsumik suleqatigiinniarlutik isumaqatigiissusiorput. Tassalu taamanili naapikkamik aatsaat ullumi sisamanngornermi naapeqqittussanngorput.

Xi-p aamma Putinip Usbekistanimi sumerpiaq aamma qassinorpiaq naapissanersut ilisimatitsisoqanngilaq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk