X-Factor kalaallinik peqataasussarsiortoq
Nipilersoqatigiinni ilaagaanni sungiusarluarsimagaanni tusaamasanngorusukkaannilu nutaamik periarfissaqarpoq.
X-Factorimi kalaallinik nipilersortartunik nunatsinnik takussutissiisinnaasunik peqataasussarsiorpoq.
Aarhusimi Kalaallit Illuaataata Facebookimi qupperneranni taama allapput.
Nipilersoqatigiinni ilaasortat tamarmik Kalaallit Nunaanninngaaneersuusariaqanngillat. Tamatuma saniatigut Danmarkimi najugaqarnissaq pitsaassasoq aamma allassimavoq.
Nuna tamakkerlugu isiginnaarneqarsinnaasup TV-qarfiup taama periarfissiineranut peqataaniaaraani X-Factorip Facebookimi nittartagaani paasissutissanik annertunerusunik pissarsisoqarsinnaavoq.
Kalaallit arnat marluk, Ivalu Josefsen aamma Judithe Jørgensen X-factorimi 2018-mi peqataapput. Taakkuli nipilersortartoqatigiit pingasut ingerlaqqittussanngormata peersinneqarput.