Wæver: Piginniteqatigiiffiit iluatsikkiartorput

maajip 20-at 2006 14:59

Naalakkersuisut nalunaarutigaat, piginneqatigiiffiit, Namminersornerullutik Oqartussanit pigineqartut piginneqataaffigineqartulluunniit, pingaarnertut suliassatik kisiisa aallutilissagaat.

Ineqarnemut attaveqarnermut aatsitassanullu naalakkersuisoq Jørgen Wæver Johansen isumaqarpoq, Namminersornerullutik Oqartussat suliassarinngikkat, namminersorlutik inuussutissarsiortut unammillissallugit. Taakkua sikkerartariaqarput ineriartoqqillutillu, Jørgen Wæver Johansen isumaqarpoq, oqarluni aktieselskabit iluatsikkiartulersut:

- Piginneqatigiiffinngortitsinerup pitsaaqutigaa suliassaqarfinnut aalajangersimaqqinnaartunut angusat kaaviiaartitat sinneqartoorutillu inissisimallualersimaneri. Taakku tungavigalugit ajornannginnerujussuarmik suliassaqarfiit assigiinngitsut namminersortunngorsariartuaarneqarsinnaasut.

Jørgen Wæver Johansen isumaqarpoq piginneqatigiittut ingerlatsinerit iluaqutigalugit namminersortunngorsaaneq aqunneqarsinnaalluartoq.

- Suna tamaat qaartillugulusooq pissanngilarput innuttaasulli peqataaffigisinnaasaannik siunissami namminersortunngorsaanissat pinissaat qulakkeerneqarluni.

Itisiliineq tamaat tusanngikkukku, taava nittartangarput knr.gl alakkaruk, tassani Itisiliinermi sammineqartut takusinnaavatit.