WWF: Kalaallit piumasaqarnerat pakatsinarpoq
Kalaallit kattuffiisa pingasuusut allagaqaataat tupaallannartoq, Connie Hedegaardimit oqaaseqarfigiumaneqanngikkallartoq, pinngortitaq pillugu nunarsuaq tamakkerlugu suliniaqatigiiffiup, WWF-ip, Danmarkimi siuttuata, Gitte Seebergip, aviisimi Berlingske Tidendemi oqaaseqarfigaa.
Allattoq Louise M. Kleemann
decembarip 05-at 2008 08:38
Kalaallit taama nalunaaruteqarnerat Gitte Seebergip pakatsinarnerarpaa.
- Kikkut tamarmik akisussaaffimmik tigusisariaqarput. Aamma kalaallit. Taakkumi nunaat, nunani ineriartortuni kisiartaalluni piumaffigineqanngilaq. Aningaasarsiornikkut ineriartorneq, aamma gassinik silaannarmik kissakkiartortitsisunik minnerulersitsineq, illuatungeriissinneqartariaqanngillat, oqarpoq, kalaallillu nalunaarutaat uparuarlugu:
- Nunat tamat aappaagu ataatsimeersuarnissaanni tamanna Danmarkimut ajornartorsiortitsilersinnaavoq. Tassami nunat naalagaaffeqataasut ilaat nutaamik isumaqatigiissuteqarnissamut peqataajumanngippat, tamanna ajoqutaassaaq, Gitte Seeberg Berlingske Tidendemut oqarpoq.
