WWF issittumi paasisassarsiorluni angalanissamik neqerooruteqarpoq

Ilinniartut nunarsuarmit tamaneersut katillugit 80-it angalanermut peqataassapput, taakkulu ilisimatuut, oqaluttuarisaanermik suliallit, eqqumiitsuliortut, ilisimasassarsiortut, ilinniartitsisut, issittumillu immikkut ilisimasallit 30-it - kiisalu pisortat namminersortullu suliffeqarfiini siuttut 20-t angalaqatigissavaatMed på turen kommer i alt 80 studerende fra hele kloden, som får selskab af 30 af verdens førende videnskabsfolk, historikere, kunstnere, opdagelsesrejsende, undervisere.

-Kalaallit ilinniartut taamatut periarfissisinnaaneri nuannaarutigeqaarput. Kalaallit Nunaanni suliatsinnut allanut naapertuulluinnarpoq. Ilinniartut angalanermi Kalaallit Nunaata aallartitarilluarsinnaavaa, ilikkagaqarluarlutik misigisaqarluarlutillu, Gitte Seeberg, WWF Verdensnaturfondenimi allattaaneq oqarpoq.

Ilisimasassarsiorneq umiarsuarmik M/V Sea Adventurerimik ingerlanneqassaaq, ukiormannalu Kangerlussuaq tikinneqassaaq, kitaata sineriaatigoortoqarluni, Baffinip Kangerliumarnga ikaarlugu Qausuittumukarluni (Resolute), Nunavumi Issittumi kitaatigut imarpikkoortariamukartoqarluni ilisimasassarsiortullu tassanngaanniit timmisartumik Iqalunnukassapput kingornalu Ottawaliassallutik. Ilinniartut ilisimasassarsiornerminni uumasut inuillu qanittuaqqamik malittarissavaat issittumilu qanga pisimasut, ullumi pisut siunissamilu pisussat paasisaqarfigalugit. Angalanermi aamma ilinniartitsisoqassaaq, tamatumanilu inuiaqatigiit, uumasut silallu pissusiisa allanngoriartorneri sammineqassallutik.

-Angalanerput nuannerluinnarpoq. Nunat assigiinngitsut pillugit ilikkagaqarluarpunga takusarpassuaqarlungalu. Naak nunagigaluarlugu peroriartorfigisimallugulu, allatorluinnaq takusaqarfigaara, nunatsinnullu isiginnittaatsinnik allanngortitsilluinnarpoq. Nunanit assigiinngitsorpassuarneersunik peqataasoqarnera assut nuannaraara. Allat angalaqataanissaannut kaammattorusuppakka, angalaneq pissarsinartupilussuummat. Atuarfimmi pikkorinnerpaajunngikkaluarluni, angalaneq kikkunnulluunniit tulluuttupilussuuvoq. Misigisaavoq nuannerluinnartoq, Ivalu Berlach Christensen, siorna ”Students on ice”-mut peqataasoq oqaluttuarpoq.

Paasissutissat amerlanerusut qinnuteqarnermilu immersugassaq uani pissarsiarineqarsinnaapput http://www.studentsonice.com/

Qinnuteqarfissaq kingulleq tassaavoq apriilip 15-iani 2013.