WWF: Innuttaasut siunissami tusaaniarneqartariaqarput
Uranimik attueqqusinngilluinnarnerup ippassaq atorunnaarsinneqarnera pissutigalugu Kalaallit Nunaat uranimik nunarsuarsuarmi nioqqutissiortuni annersanngorsinnaavoq, innuttaasunilli ersarinnerusumik peqataasoqarsimasinnaagaluarpoq, Inatsisartuni amerlanerussuteqaqqalaarneq kisiat pinnagu.
Allattoq Carla Davidsen
Pinngortitaq pillugu nunarsuaq tamakkerlugu suliniaqatigiiffimmi, WWF-imi, qullersaq, Gitte Seeberg, nutaarsiassaqartitsivimmut Rutzauimut, taama oqarpoq.
Kalaallit Nunaanni aningaasarsiornikkut ineriartornissaq pisariaqartinneqarpoq, uranimilli piiaasoqarnani tamanna aamam pisinnaagaluarpoq.
- Kalaallit Nunaat piffissami nutaanerusumi pingaarutilerujussuarmik aalajangiivoq. Neriunniarta innuttaasut siunissami tusaaniarneqarnerujumaartut, Gitte Seeberg aamma oqarpoq.