Coronavirusip Wuhanimi aalisagaarniarfiit ilaannit siaruaassimanissaa ilimagineqarpoq, aalisakkammi saniatigut uumasunik anngiortumik nioqquteqartoqartartoq Kinami oqartussanit eqqoriarneqarpoq. Nutaarsiassaqartitsivik AFP taama allaaserisaqarpoq.Assi: Noel Celis/AFP/Ritzau Scanpix

Wuhanimi innuttaasut illoqarfimminniit qimaguteqqusaanngitsut

Kinami illoqarfissuaq Wuhan nappaatip corinavirusimit pisup siaruaatilertorpallaannginnnissaa pillugu immikkut maanna iliuuseqalerpoq. Kinami inuit coronavirusimit toqquteqartut maannamut 17-iupput.

Wuhanimi innuttaasut illoqarfimminniit qimaguteqqusaanngitsut, Wuhanimi oqartussat Danmarkimi nalunaaqutaq malillugu pingasunngornermi unnukkut peqqussutigaat. Pissutsilli immikkut illuinnartut aatsaat aqqutigalugit Wuhan qimanneqarsinnaavoq. Kinami naalagaaffiup tusagassiisarfia taama nalunaaruteqartoq, nutaarsiassaqartitsiviup Reutersip allaaseraa.

Illoqarfissuarmilu tassani bussinik qimuttuitsunillu angallannerit aamma unitsinneqarput, soorlu aamma qimuttuitsut illoqarfinnut allanukartut, avammullu timmisartuussinerit unitsinneqartut.

Nappaat coronavirusimit pisoq nappaammut SARS-imut assingusoq, Wuhanimi siaruaassimavoq, inuillu Wuhaniliannginnissaat kaammattuutigineqarluni.

Inuit maannamut 17-it virusimit taassuminnga toqquteqarsimapput, ikinnerpaamillu 470-it tunillanneqarsimallutik.

Tunillanneqarsimasut amerlanersaat Wuhanimi siumorneqarput. Illoqarfissuaq Wuhan 11 millioninik innuttaqarpoq, Kinallu qiterpasissuaniilluni.

AAMMA ATUARUK Virusi tuniluuttoq USA-mut annguttoq

Coronavirusip Wuhanimi aalisagaarniarfiit ilaannit siaruaassimanissaa ilimagineqarpoq, aalisakkammi saniatigut uumasunik anngiortumik nioqquteqartoqartartoq Kinami oqartussanit eqqoriarneqarpoq. Nutaarsiassaqartitsivik AFP taama allaaserisaqarpoq.

Nappaat siaruaattoq coronavirusimit pisoq nappaammut SARS-imut nuannermullu assinguvoq.

nuit coronavirusimik tunillanneqarsimasut Thailandimi, Korea Kujallermi, Japanimi, Taiwanimi USA-milu aamma siumorneqarsimapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat