WTO-p aalajangiineranut Canadamiut qisuariaataat

Tunissasiat puisinit pisut EU-mut eqquteqqusaannginnerannut atatillugu kalaallit nunaat immikkut akuerisaalluni eqqussisinnnera Nunat tamalaat niueqatigiinnikkut suleqatigiiffiata, WTO-p ,atorunnaarsippaa,  taamaanneralu Canadami naggueqatigiinnit inunnit qisuariarfigineqapallappoq.

Canadami inuit kattuffianni Inuit Tapiriit Kanatami siulittaasoq Terry Audla tugasssiorfinnut oqarpoq,  inuit immikkut pineqarnerat pissutissaqanngitsoq puisinillu pisunit EU-mut eqqusseqqusinnginneq nunat tamalaat niueqatigiinnikkut suleqatigiiffianit WTO-mit atorunnaarsinneqarsimanngimmat paasiuminaalluinartoq
ileqqorissaarnissamullu tunngavissaqarpianngitsoq. Inerteqquteqarneq naggueqatigiit inuit inuussutissarsiutaannik tunngaviusumik paasisimasaqannginnermik takutitsisivoq, Terry Audla oqarpoq

EU Issittumi siunnersuisoqatigiinni alaatsinaatsutut inissisimalernissaminik qinnuteqarpoq, Canadamiillu siulittaasuusumit nalunaarutigineqarpoq, puisinit pisunik EU-mut eqqusseqqusinnginnermik apeqqut aaqqiivigineqartinnagu, EU-p Issittumi siunnersuisoqatigiinni alaatsinaatsutut inissisimalernissamik qinnuteqaataa aalajangiiffigineqarnavianngitsoq.

Nunat tamalaat niueqatigiinnikkut suleqatigiiffiata WTO-p aalajangernerata suliassanngorteqqinneqarnissaanut Canada ullunik 60-nik piffissaqarpoq,  Terry Audlap Canadami naalakkersuisut suliap ingerlaqqinneqarnissaannut nukingisaarpai.