WTO-mi isumaqatigiinniarnerit ajalusoorput
Naatitanik eqqussuinermi malittarisassat pillugit isumaqatigiinnginnerit matumani qitiupput.
Suliffissuaqarnikkut naatitanillu niueqateqarnikkut nunat tamalaat sapaatip-akunnerup massuma ingerlanerani isumaqatigiissuteqarnissaat neriuutigineqarsimagaluarpoq, maannali tassa ajalusoorlutik.
- Isumaqatigiissuteqarnissaq taama qanikkaluartigisoq uggornaqaaq isumaqatigiittoqanngimmat, USA sinnerlugu isumaqatigiinniartoq Susan Schwab Tuluit nutaarsiassaqartitsiviannut Reutersimut pakatsisimaqaluni oqarpoq.
Nunat pisuujunerit piitsuunerillu 2001-imili isumaqatigiinniarsarinikuupput, nuna Arabiamioqarfiusup Qatarip illoqarfiisa pingaarnersaanni Dohami isumaqatigiinniarnerit aallarnerneqaramik.