Nunarsuarmi eqaannerusumik niueqatigiittarnissaq isumaqatigiinniutigalugu nunat tamalaat niuernikkut suleqatigiiffianni, WTO-mi, ilaasortat isumaqatigiinniarnerat ullumi unittoorpoq. Nunat 149-t ilaasortaatitaqartut ileqquusoq malillugu ataatsimeeqqinnissaminnik isumaqatigiissuteqaqqaaqaratik avissaarput.
Nunani assigiinngitsuni pisisartut pisiassanik nunanit allanit eqqussorneqartunik taamaalillutik akikinnersiortalissapput. Nunani inertortitassani nunaatilinnut inuuniapiloortunut unittoorneq tamanna ajornerpaassasoq ilimagineqarpoq. Nunani ineriartortitani nunaatillit EU-mit USA-millu tapiissutisisarnermik saniatigut nunanit allanit nioqqutissat tikisinneqartartut akikinnersiorlugit pisiniartartuupput.
Nunani ineriartortitani innuttaasut eqaannerusumik niueqateqartarnissaat anguniarlugu isumaqatigiinniartoqaraluarpoq, isumaqatigiinniarnerillu unimmata, 2001-imiilli inuuniapiloorneraat taamaalilluni sumorsuaq atasussanngortitaavoq.
EU-p nunalerinermut kommissæriata, Mariann Fischer Boelip, isumaqatigiinniarnerit unittoornerannut USA pisuutippaa.
Inuussutissarsiornermik immikkut ilisimasallit ikiuiniaqatigiiffiillu unittoortoqarneranut EU pisuutippaat.
- USA-p EU-llu nunaatilinnut tapiissutigisartakkatik ikilerusunnginnamikkik isumaqatigiinniarnerit unittoortippaat, ikiuiniatigiiffimmi Oxfamimi oqaaseqatartoq, Celine Charveriat oqarpoq.