WSPA arferit iluanaarutaalernissaannut akerliuniarpoq

maajip 29-at 2007 07:24

Arfanniarneq pillugu ataatsimiititaliarsuup tamatumuuna Alaskami Anchoragemi ataatsimeersuarneranut uumasunik illersuiniaqatigiiffiit tamalaat alaatsinaatsitaqarput, tamakkununngalu ilaavoq, uumasunik illersuiniaqatigiiffik WSPA.

-Arferit illersorniarlugit maniippunga.

Sooq? Aperaarput.

- WSPA allatulli isumaqarami aningaasarsiutigalugu arfanniartarneq eqqortuliornerunngitsoq. Arferit kalaallillu aamma soqutigisarinngimmassuk.

-Nalunngilarput puulukit aamma silatuujusut, kisianni ilissi aamma aningaasarsiutigaasi.

- Aap ilumoorpoq akivoq.

- Sunami puulukit arferillu assigiinngissutigigamikku?

Lasse bruun WSPA-meersoq aperaarput, akivorlu:

-Arferit puulukillu tamarmik silatuujupput iluamik pineqartariaqartut, ajornartorsiulli uaniippoq Danmarkimi imaluunniit Kalaallit Nunanni nunarsuarmilumi tamarmi arferit aningaasarsiutigineqarnissaat akerlerigatsigu, naak Danmarkimi aamma puulukit ajornartorsiortitaasaraluartut arferit illersorusukkatsigit.