Wistoft aningaasaqarnermut pisortanngortussanngortoq
Kalaallit Airport A/S-ip aningaasaqarnermut pisortamik atorfinitsitsilluni pisortaaqatigiit amerlivai.
Allattoq Bikki P. Kleist
juunip 06-at 2017 11:48
Kalaallit Airport A/S-imi siulersuisut Peter Wistoft, aningaasaqarnermut pisortatut atorfinitsippaat.
Taamaalilluni Peter Wistoft ingerlatseqatigiiffimmi aggustip aallaqqaataanit aningaasaqarnermut pisortanngussaaq, tamatuma saniatigut Steffen Ulrich-Lynge, pisortaanertut ingerlaannarluni.
Peter Wistoft 53-inik ukioqarpoq, Kalaallit Nunaannilu Deloitte-imi 1995-imit 2017 tikillugu atorfeqarluni.
Peter Wistoft Nuummi, Ilulissani aamma Qaqortumi mittarfiliassat piviusunngortinneqarnissaannut suleqataasussanngormat, Kalaallit Airport A/S-imi siulersuisut naammagisimaartorpaat.
Kalaallit Airport A/S-imi siulittaasoq, Johannus Egholm Hansen taama nalunaaruteqarpoq.