Winter Cities ataatsimeersuarluni aallartippoq
Nunarsuatsinni illoqarfiit ukiuusartut assigiinngitsut 20-t nunani assigiinngitsuni aqqanilinneersut katillugit inunnit 200-t missaannit peqataaffigineqartumik sapaatip akunnerata naanerani Nuummi ataatsimeersuassapput.
Illoqarfiit assigiinngitsut 20-t ataatsimoorutigisaat tassaavoq issittumiinnertik. Ukiullu marlukkaarlugit ataatsimeersuartoqartarnerani issitumi inuunerup ilungersunartortai ataatsimiissutigineqartarput.
Nuummi ataatsimeersuarnermi qulequttat pingasut quleqatarineqassapput, tassaasut: ”Issittumi silap pissusaata allanngoriartornera” aamma ”Issittumi Meeqqanut Inuusuttunullu atugassarititaasut” kiisalu ”Ineriartorneq atasinnaasoq”.