Wilson Kipketer Kalaallit Nunaat nuannarivaa
Wilson Kipketer Kenyami inunngortoq Kalaallit Nunaani tikeraarnera inuttaanut immikkut misigisaavoq.
Kalaallit Nunaaniilluni assut nuannerpoq, tupinnarpoq, tikilluaqquneqarluarpunga, tamannalu tupaallaatigisimavara. Arpatitsisoqarnerani peqataasut amerlanerat tupaallaatigilaarpara, Kalaallit Nunaanni innutaasut ikittuunerat eqqarsaatigissagaanni Kipketer KNR-imut unnersiorpoq. Wilson Kipketer Katuami ippassaq oqalugiarpoq, namminerlu neriuutigaa siunissami Kalaallit Nunaannut uteqqikkumaarluni.
Kalaallit arpattartartut sukkanerusumik arpattalernissaat anguniarlugu suli annertunerusumik tunniussaqarusuppunga, Wilson oqarpoq, Sungiusaatit amerlasuut ilisimavakka iluaqutaasinnaasut. Kalaallit arpattartui sukkanerusumik arpattalernissaannut ilimanaateqarput, uattut oqilatigilersinnaanngikkaluarlutik Kipketer oqarpoq.
Kalaallit arpattartui oqilasuutut taaneqarsinnaasut ikittuinnaapput, kisiannili meeqqat amerlasuut sukkasuumik arpattalersinnaanerat ilimanaateqarpoq, Kipketer oqarpoq.
