William aamma Isabella nuannarisaaqaat
Atit kunngikkormiorpalaartut atugaanerulerput Danmarkimi kuisitsisarnerni.
Danmarkimi niviarsiaqqat atiini Isabella 2010-mi nuannarineqarnersaavoq Ida tullersortaasoq, taama Søndagsavisen allappoq.
Niviarsiaqqat atiini nuannarineqarnerit:
1. Isabella
2. Ida
3. Anna
4. Mathilde
Danmarkimi nukappiaqqat atiini nuannarineqarnersaavoq William Noah tullersortaasoq.
Nukappiaqqat atiini nuannarineqarnerit:
1. William
2. Noah
3. Lucas
4. Mathias
Nunatsinni atit kalaallisut nuannarineqarnerit sorliunersut ukiut arlallit naatsorsueqqissaartarfimmit misissorneqarnikuunngilaq. Kingullermik saqqummiusissuineq sammiunneqartoq 2004-meerpoq taamanilu Pipaluk nuannarineqarnersaavoq Paninnguaq tulliusoq.
Nukappiaqqat kalaallisut atiini taamani Malik nuannarineqarnersaavoq Minik tulliusoq.
2004-mi niviarsiaqqat kalaallisut atiini nuannarineqarnerit:
1. Pipaluk
2. Paninnguaq
3. Uiloq
4. Najaaraq
Nukappiaqqat kalaallisut atiini nuannarineqarnerit:
1. Malik
2. Minik
3. Aputsiaq
4. Nuka