- Naak nunat amerlasuut ammaqqikkiartuuaraluartut, Covid-19 ataatsimut isigalugu nunani ataasiakkaani, nunarsuup immikkoortuini nunarsuarmilu tamarmi suli ajornartoortitsisinnaavoq, WHO-p upalungaarsimanermut qullersaa, Mike Ryan, oqarpoq.Assi: Martin Bernetti/AFP/Ritzau Scanpix

WHO-p ulapungaarsimanermut qullersaa: Coronavirusip anigornissaa suli ungasippoq

WHO-p upalungaarsimanermut qullersaata Covid-19-imut akiuussutissaqalerpat, tamatuma nappaatip anigornissaanik qulakkeerisuunaviannginnera sillimaffigeqquaa.

Coronavirusimik nunarsuarmi nappaalasoqarnerata anigornissaa suli ungaseqaaq.

Naalagaaffiit Peqatigiit peqqissuunissaq pillugu suleqatigiiffiata WHO-p upalungaarsimanermut qullersaa, Mike Ryan, taama oqarpoq.

- Naak nunat amerlasuut ammaqqikkiartuaaraluartut, Covid-19 ataatsimut isigalugu nunani ataasiakkaani, nunarsuup immikkoortuini nunarsuarmilu tamarmi suli ajornartoortitsisinnaavoq, Mike Ryan oqarpoq.

- Killilersuinerit assigiinngitsut atuukkunnaarsinneqarpata, tuniluuttoqarneralu paasineqanngippat nunat peqqinnissaqarfiisa artukkerneqarnissaat nunallu aningaasarsiornerisa ajornartoorfiulernissaat tamatta ernummatigaarput, Mike Ryan, tusagassiortunik katersortitsinermi oqarpoq.

AAMMA ATUARUK Danmarkimi innersuussutit: Meterimik ataatsimik qanillisinnaanissaq naammappoq

Aarlerinaatitut nalilerneqartut annikillineqassappata virusip tuniluutilertunnginnissaa suliniutigilluarneqartariaqartoq, taanna erseqqissaavoq.

Nunat assigiinngiitsut ammaqqikkiartuuaarnertik ilutigalugu virusip tuniluutilinnginnissaa pillugu assigiinngitsutigut iliuuseqarput. Inuit nunarsuaq tamakkerlugu 4,29 millionit coronavirusimik tunillanneqarsimapput, inuillu katillugit 291.000-it nappaat toqqutigisimallugu. Nutaarsiassaqartitsiviup Reutersip kisitsisaataasa tamanna takutippaa.

Isummersuutit