- Nunarsuarmi inuit qulerarterutaasa missaat virusimik tunillanneqarsimasinnaanerat eqqoriarparput, Naalagaaffiit Peqatigiit peqqissuunissaq pillugu suleqatigiiffiata WHO-p peqqissuunissaq pillugu upalungaarsimasuutitaanneersoq Michael Ryan oqarpoq.Assi: Christopher Black/Reuters/Ritzau Scanpix

WHO: Nunarsuarmi inuit qulerarterutaat virusimik tunillanneqarsimasinnaapput

WHO-p naliliinera aallaavigalugu nunarsuarmi inuit coronavirusumik tunillatsissimasinnaasut ilimagisamit 20-riaammik amerlanerussangatinneqarput.

Nunarsuarmi inuit quliugaangata ataaseq coronavirusimik tunillatsissimasinnaavoq.

Naalagaaffiit Peqatigiit peqqissuunissaq pillugu suleqatigiiffiata WHO-p peqqissuunissaq pillugu upalungaarsimasuutitaanneersoq, Michael Ryan, taama oqarpoq. BBC taama allappoq.

- Nunarsuarmi inuit qulerarterutaasa missaat virusimik tunillanneqarsimasinnaanerat eqqoriarparput, Michael Ryan oqarpoq.

Nunarsuarmi inuit 35,3 millionit missaat coronavirusimik tunillatsissimasut, USA-mi ilisimatusarfiup Johns Hopkins Universityp kisitsisaataasa pisortatigoortut takutippaat.

AAMMA ATUARUK Nunarsuaq tamakkerlugu coronamik toqquteqartut 1 millioninngortut

WHO-p naliliinera aallaavigalugu nunarsuarmi inuit 760 millionit coronavirusimik tunillatsissimasinnaanissaat ilimagineqarpoq.

Nunarsuaq tamakkerlugu tunillatsissimasut ilimagisamit amerlanerungaatsiarsinnaanerat, peqqissutsimik immikkut ilisimasallit qangali oqaatigisarpaat.

Inuit Covid-19-imik nappaateqarnermut ersiutillit taamaallaat nunani amerlasuuni misissorneqartarnerat ilaatigut pissutaasinnaavoq, coronavirusillu tuniluutileqqaarneranut naleqqiullugu maanna misissuisoqarnerulernikuulluni.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 12752
  Tunillanneqarsimasut
18
  Peqqisseqqittutut nalunaarutigineqartut 18
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  novembarip 23-at 2020 nal. 10:45