Whitehorse-mi målikattorsuupput
Siullermik Alaska 10-4-mik ajugaaffigaat ippassarlu Nordvestterritoriet 13-2-mik ajorsartillugu nukappissat arsaattartut nunatsinneersut arsarput.
Kalaallit isertitsisut tassaapput:
Taatsiaq Rosing 3
Karsten Andersen 3
Qillaq Hansen 2
Kuluk Hermansen 2
Marco Leibhardt 1
Aqqaluuti Jensen 1
Kaaleeraq Mathiassen 1
Kalaallit suli Alberta, Nunavut aamma aaqqissuisut Yukon unamminngilaat. Alberta naligiiffioratarsinnaavoq, taakku Nunavut 10-0-mik ajorsartippaat.
Niviarsissat arsaattartut ippassaq aallartillarput Nunavut 6-3-mik ajugaaffigalugu. Unamminerup aappaani Yukon Nordvestterritoriemut 5-0-mik ajugaavoq. Kalaallit isertitsisut tassapput:
Nivikkana Petersen 2
Nivi Dahl 1
Lajla Jensen 1
Oline Kristiansen 1
Maannguaq Berthelsen 1
Nukappissat inuusuttut akulliit Yamal-imut naligeeqalutik unammipput ajugaangajakkaluarlutillumi. 4-3-milli ajorsarput unamminerup naalernerani 3-2-mik kalaallit siuaqqagaluartut. Nukappissat akulliit ullumi Alaska unammissavaat.
Kalaallit isertitsisut tassaapput:
Niklas Thorleifsen 2
Charles Petersen 1
Volleyball
Volleyball-imi nukappissat aallartilluarpallaanngillat unamminerni pingasuni ippassaq ajorsaramik. Siullermik Alberta 2-0 ajorsarfigaat 25-13 aamma 25-12-mik. Unamminerup aappaani Yukon 2-0-mik ajorsarfigaat 25-9 aamma 25-17-mik. Unamminerillu pingajuanni aamma kalaallit pointinnanngillat Nordvestterritoriet 2-0-mik ajorsarfigigamikku 25-15 aamma 25-19-mik