Suliaq Weinsteinimut tunngasoq eqqartuussivimmi aalajangeeqataasussat aalajangernissaannut eqqartuussinerup aallartinnissaa utaqqivaat. Eqqartuussivimmimi aalajangeeqataasussat uppernarsaatinik takoqqikkusupput.
Nutaarsiassaqartitsivik Reuters taama allappoq.
Harvey Weinsteinip suleqatiminut Mimi Haley-mut 2006-imi filmiliaritittartumullu Jessica Mann-imut 2013-imi kinguaassiutitigut atornerluisimasutut unnerluutigineqarpoq.
Eqqartuussinermi aalajangeeqataasussat taasisut
Arnat 80-init amerlanerusut Harvey Weistein pinngitsaaliisimanerarlugulu kinguaassiutitigut atornerluisimanerareeraallu inuttaa eqqartuussivimmut siullerpaamik unnerluutigineqarpoq.
Eqqartuussivimmi aalajangeeqataasussat aqqaneq marluk, angutit arfineq marluk arnallu tallimat sulianut taakkununnga marlunngornermi taasillutik aallarput.
Eqqartuussivimmi aalajangeeqataasussat sulianut misissuereerlutik suliassat sorpiaanerannik eqqartuussivimmit nassuiarneqarnissaat piumasareqqaarpaat.
Taassuma kingorna suliamut tunngatillugu uppernarsaatinik takunissaminnik marlunngornermi ualisoq piumasaqarput.
Weinstein pinngitsuunerartoq
Weisteinip 2017-imi e-mailikkut nassiussimasai ilaatigut takujumaneqarput.
Arnanit 80-init amerlanerusunit Harvey Weistein kinguaasiutitigut atornerluisimasutut pinngitsaaliisimasutullu attaveqaqatigiittarfitsiut saqqummiunneqarpoq.
Isummersuutit