Washingtonimi festivali iluatsilluarpoq

Kalaallit Washingtonimi festivalertitsinerat iluatsilluarpoq, katersugaasivissuarmilu saqqummersitsineq pisortatigoortumik ippassaq ammarneqarmat inuit 565-it isersimapput, inuppassuillu katersugaasiviup silataani iserusukkaluarlutik utaqqisimallutik.

- Assorsuaq iluatsilluarpoq, nuannarineqaqaaq. Festivalimik ataqatigiissaarisoq Lise Egede Hegelund naliliivoq.

Katersugaasivissuarmi saqqummersitsineq ammarneqarmat, kalaallit nerisassaataasa ilaannik aamma sassaallertoqarpoq.

Saqqummersitsineq pisortatigoortumik ammarlugu ilaatigut kulturimut naalakkersuisoq Henriette Rasmussen aamma Danmarkip statsministeria Anders Fogh Rasmussen oqalugiarput, statsministerillu kalaallit aaqqissuussilluarsimasutut nalilerlugit nersualaarpai.

Saqqummersitsinerit assigiinngitsut ullumi takuteqqinneqarput. Eqqumiitsuliortut, soorlu Peter Kristiansen kiinarpaliorpoq, Marie Nielsen ukkusissamik qiperuivoq, Peter Lindberg pinnersaasiorpoq Maligiaq Padillalu qaanniorluni. Inuiaat oqaluttuarisaanerannik saqqummersitsinerit, soorlu Gustav Holmip tunumi katersorsimasai takutinneqarput, Ivar Silisillu assilisai saqqummersinneqarlutik. Ullumikkut meeqqanut tunngasut aamma sammineqarput, soorlu meeqqanut isiginnaartitsissut Kaassassuk takutinneqartoq, oqaluttuatoqqanillu oqaluttuartoqarluni. Aamma erinarsoqatigiit Aavaat meeqqanut erinarsorlutillu qitimmik takutitsipput. Pilersaarutilli piviusunngortinniarneri ilungersunalaanngitsut ataqatigiissaarisoq Lise Egede Hegelund oqarpoq.

- USA-mi maleruagassat niueqatigiinnermut tunngasut allaanerussuteqarput, pingaartumik sanaluttartut tunisiniartarnerann. Qujanartumilli arlallit attavissarsigunarput, soorlu aamma qaanniortoq USA-mi peqatigiiffinnut pikkorissartitsisoq. Lise Egede Hegelund oqarpoq.

Aamma isumaqarpoq, siunissami taamatut ittunik USA-mi Canadamiluunnit aamma aaqqissuusseqqittoqarumaartoq, aaqqissuussineq inuiannut paasissutissiiginnarnani aammali pilerisaarutitut nalilerneqarsinnaammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat