Washingtonimi akerliussutsimik takutitsisoqarpoq
Amerikamiut sakkutuuisa Irakimit angerlartinneqarnissaat piumasaralugu inuit 10.000-ilikkaat Washingtonimi ullumi ingerlaaqatigiipput.
USA Irakimi sakkutuuleeqqippoq, tamannali nunanit amerlasuunit akuersaarnartinneqanngilaq.
Inuppassuit Washingtonimi ullumi ingerlaaqatigiinnermikkut Irakimi sorsunnermik akerliunertik takutippaat, akerliussutsimillu takutitsinermi inuit nuimasut aamma peqataapput.
Isiginnaartitsisartoq filmiliaritittartorlu Jane Fonda peqataavoq, filmiliaritittartorlu alla, Susan Sarandon aamma peqataavoq, innuttaasullu pisinnaatitaaffiinik sorsuutiginnittartutoqaq Jesse Jackson akerliussutsiminnik takutitsisunut ilaalluni.
Suliniaqatigiiffik Unionen for Fred og Retfærdighed akerliussutsimik takutitsinermut aaqqissuisuuvoq.
USA-p Irakimi amerlanerusunik sakkutuuliinissaa USA-p præsidentianit George W. Bush-imit qanittukkut nalunaarutigineqareersorlu, akerliussutsimik takutitsinermi peqataarusuttorpassuusimasut suliniaqatigiiffik ilisimatitsivoq.
