- Kujataani suliffissat ikiligaluttuinnaramik, inuttaasullu maangaaniit kujataaniit nuuttarnerat unikaallatsinnissaa taanna eqqarsaatigalugu ajunngitsorujussusoq isumaqarpunga, Gedion Poulsen oqarpoq.Assi: KNR / Jørgen Semionsen

Voxpop Tanbreez pillugu: Nuannerpoq pingaartumik suliffissaaleqisoqarnerata nalaani

Tanbreez Qaqortup eqqaani piiaanissamut akuersissuteqarfiuvoq. KNR-ip kujataata illoqarfiani najugaqartut aatsitassarsiortoqalernissaanut isumaannik tusarniaaffigalugit oqaloqatigai.

- Qujanassaqaaq, aamma taamak suliffissaaleqisut amerlatigisut, uanga aamma ilaanikuugama taamak suliffissaaleqisunut, Jens Danielsen oqarpoq.

- Qularnanngitsumik siuariaataassaaq sulisartorpaalunnik malitseqartussaassammat, Sofus Davidsen oqarpoq.

Tanbreez Qaqortup eqqaani aatsitassanik piiaanissaa

 

  • Nunatta kujataani Killavaat Alannguanni sumiiffimmi 18 kvadratkilometerimik annertussuseqartumi piiaanissamut qinnuteqaat piareerpoq.
  • Aatsitassarsiorfik, Tanbreez sumiiffimmi eudialytinik piiaassaaq.
  • Aatsitassarsiorfik ujaqqerivittut pissuseqartumik akuiagassamik ukiumut 500.000 tonsiusumik piiaaffigineqassaaq.
  • Piiaanissamut atuersissut ukiuni 30-ni atuutissaaq.

Tusarfik: Naalakkersuisut / Kommune Kujalleq

Australiamiut aatsitassarsioqatigiiffiata Tanbreez Qaqortup qanittuani Killavaat Alannguani aatsitassanik piiaanissamut akuersissuteqarfiuvoq.

Aatsitassaqarnermut naalakkersuisoq, Kommune Kujallermi borgmesterip tullersortaa Tanbreezimiillu sinniisup akuersissuteqarnermut isumaqatigiissut marlunngormat atsiorpaat.

- Suliffeqarfik sunaluunniit ammarneqaraangami suliffissaqalersitsisarpoq, tamannalu suliffissaaqisut amerlassusaannut appaataasinnaalluni, piiaanissamut akuersissuteqartoqarneranut atatillguu Kiista P. Isaksen oqarpoq.

Nunatsinni naatsorsueqqissaartarfimmit kisitsisit naapertorlugu Qaqortumi suliffissaaleqisut aggustip qaammataani 150-iupput.

Qaqortumi inuit 2.790-it missaanniipput.

Suliffissakinneralunilu innuttaasukinnerusoq

Taamaammat aatsitassarsiornissamut suliniut illoqarfimmi naapitakka neriuutissaqarnerarpaa, tamanna najugaqartunut suliffissaqartitsissammat.

 

 

- Ajorisassaangilaq, una aamma eqqarsatigissagaanni Kommune Kujallermi aningaasaqarneq taamak ingerlanerluusatsigisoq, isumaqarpunga ajorisassaavallaangitsoq, Rena Lange oqarpoq.

- Kujataani suliffissat ikiligaluttuinnaramik, inuttaasullu maangaaniit kujataaniit nuuttarnerat unikaallatsinnissaa taanna eqqarsaatigalugu ajunngitsorujussusoq isumaqarpunga, Gedion Poulsen oqarpoq.

 

- Akileraartartut amerlatsinnissaat kommunemut aamma iluaqutaassaqaaq, Jens Danielsen oqarpoq.

Avatangiisit pillugit ernumassutissaqanngitsoq

Nunatsinni Danmarkimilu avatangiisinik illersuiniaqatigiit - matumani Urani Naamik ilanngullugu - suliniutip avatangiisinut kingunerluuteqarnissaa ernummatigaat.

KNR-illi tusagassiortuata Qaqortumi aqqusinermi naapitaata tamanna ernumassutiginngilaat.

- Neriunniarta mingutsitsinissamut akorngutaavallaasanngitsoq, neriuppunga aamma misissuiffigineqarluarnikuusimassasoq, Rena Lange oqarpoq.

- Soorunami mingutitsilaasapput, kisiat minnerpaafissaminiikuni ajoriffissaqartinngitsorujussuuara, Gedion Poulsen oqarpoq.

- Uran-imut naaggaarpunga, taava kisiat Killavaat Alanguanut akuersaarpunga, Sofus Davidsen oqarpoq. 

Pilersaarutit akuersissuteqarfigineqarnissaat amigaataaginnartoq

Tanbreezip aatsitassarsiornissamut nammineerluni nalunaarusiai naapertorlugit suliniut sanaartornerup nalaani inunnut 30-nit 140-nut suliffissaqartitsissaaq.

Aatsitassarsiorneq aallartikkuni aatsitassarsiorfimmi inuit 80-it missaanniittut aalajangersimasumik atorfeqassapput.

Aatsitassarsiutileqatigiiffiup Tanbreezip nunaminertami pilerigineqaqisumi piiaanissaminut piiaanissamut matusinissamullu pilersaarusiamik akuersissuteqarfigineqarnissani amigaatigiinnalerpaa.

- Ingerlatseqatigiiffik Naalakkersuisunit piiaanissamut matunissamullu pilersaarummik akuersisoqarnissaanut 2022-mi decembarip ulluisa 31-annut periarfissaqarpoq, akuersissut taanna isumannaallisaanermut avatangiisinullu tunngatillugu apeqqutinut piumasaqaataasunut sukumiinerusunik ilaatigut imaqassaaq, Naalakkersuisut allapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat