Volleyballimi toqqarallakkat saqqummiuppaat
Nuna tamakkerlugu sungiusaasoq Klaus Skov Møller aamma arnat unammisartuini sungiusaasup ikiortaa Mie Mikkelsen arnani angutinilu nunanut allanut unammisartunik toqqaagallarput poorskimi pissartanngorniunnerit naammassimmata. Sungiusaqatigiinneq siulleq ingerlanneqareerpoq.
- Poorskimi pissartanngorniunnerit naammassimmata ulluni pingasuni sungiusaqatigiinneq ingerlanneqarpoq, volleyballertartut kattuffianni siulittaasoq Ove Thomassen taama KNRimut oqaluttuarpoq.
- Maajip 19-aniit sungiusartoqaqqissaaq taannalu naammassippat arnani angutinilu Island Gamesimut peqataasussat aqqanillit toqqarneqassapput, Ove Thomassen oqarpoq.
Kalaallit angutit volleyballimi kingullermik Island Gameseqarmat bronzennapput arnartaasa normu 6-nngornertik naammagiinnartariaqaraat.
Nunanut allanut unammisartut aasamut Island Games sioqqullugu Islandimut sungiusariassapput sungiusarnerup saniatigut sungiusaatigalugu unamminerit aamma ingerlanneqassallutik. Tamatuma kingorna unammersuarfiusussamut Isle of Wightimut ingerlassapput volleyballimilu unammersuarnerit aallartissapput ataasinngorneq junip 27-at.
Aajuku toqqarallakkat:
Angutit:
Kivitsisartoq Ole-Karl Kreutzmann (32) PVN
Kivitsisartoq Niels Jørgen Jensen (21) IVK
Sinaaniittoq Frank Petersen (30) AVI
Sinaaniittoq Nukappianguaq Fontain (30) GSS
Sinaaniittoq Kasper Thorleifsen IVK
Sinaaniittoq Frederik Jensen (23) AVI
Qeqqaniittoq Johan Frederik Zeeb (33) IVK
Qeqqaniittoq Hans Jørgen Zeeb (26) PVN
Qeqqaniittoq Anguti Kristiansen (20) KTVI
Tunorleq Daniel Lyberth (28) PVN
Sinaaniittoq Markus Maratse (25) PVN
Sinaaniittoq Jaakuaraq Thomasen (20) KTVI
Sinaaniittoq Michael Lennert (38) GSS
Arnat:
Kivitsisartoq Pernille Olsen (31) GSS
Kivitsisartoq Marianne Kreutzmann (20) KTVI
Sinaaniittoq Karoline Rosing (34) PVN
Sinaaniittoq Eufinia Kreutzmann (27) AVI
Sinaaniittoq Paninnguaq Larsen (23) PVN
Sinaaniittoq Karina Meincke (32) GSS
Qeqqaniittoq Ivalo Hansen (24) PVN
Qeqqaniittoq Uiloq Heilmann (23) GSS
Tunorleq Hanne Siegstad (32) IVK
Sinaaniittoq Maalia Wilumsen (24) AVI
Sinaaniittoq Aviaja Kreutzmann (20) KTVI
Qiterleq Nuka Geisler (31) GSS
Qiterleq Rikke Bentsen (30) GSS
Tunorleq Ina Kilime (23) PVN
