Volleyballertartut sungiusaasuat taamaatilerpoq

Kalaallit arnat inersimasut Volleyball-tertartut ukiuni kingullerni aqqaneq’marlunni sungiusaasorisimasartik, Dan Thomassen, inuulluaqqusariaqalerpaat.

Arnat Volleyball-tertartut allatut innerusumik isumasarsiornissaat eqqarsaatigalugu sungiusaasup atorfeqarnerminut isumaqatigiissutaa sivitsorniarnagu Kalaallit Nunaanni Volleyball-tertartut Kattuffiat aalajangersimavoq.

Kattuffik isumaqarpoq, arnat Volleyball-tertartut siunissaqarluartut, taamaammat sungiusaasunngortussaq pissanganartumik neqeroorfigineqarsinnaasoq naatsorsuutigineqarpoq.

- Kinguartitseqqissagaluarutta aalajangerneq uatsinnut oqinnerulernavianngilaq, Kattuffimmiit oqarput.

Dan Thomassen Volleyball-tertartunut sungiusaasuunermini Qeqertaaqqani unammiuaarnerni Island Gamesini arfineq’marloriarluni peqataasimavoq, aamma arnat Small Nations Cupimut, tassa arnat anngunniullutik Irlandimi unammineranni ataasiarluni peqataasimalluni.

Arnat Volleyball-tertartut – sungiusaasuallumi, Dan Thomassen - 2003-imi angusarissaarnerpaasimapput, Qeqertaaqqani unammiuaarnerit Guernsey-mi ingerlanneqarneranni bronzinnakkamik