Volleyball: Klubbit arlallit finale angusinnaavaat

Volleyball-imi GM Nuummi Inussivimmi aallartippoq palmet sapaataanni. Sulili siusippallaarpoq kikkut finalemut anngussinnaanerat pillugu eqqoriaanissamut volleyballertartut kattuffianni siulittaasunngorlaaq Ove Thomassen KNRimut taama oqarpoq.

Siornatigut volleyballimi angutini siuartuusut Nuummut, Maniitsumut Kangaamiunullu katersuussimaleraluarput. Maannali klubbit arlallit pikkorissunik unammisartoqalermata kikkut sisamanngornermi illernartumi finalemut anngunnissaat pissanganarsivoq.

- Klubbit naligiittupilussuartut inissisimasut tassaapput  GSS aamma PVN  Nuummeersut, AVI  Maniitsumiik, KT-VI Kangaamiuniikt aamma IVK Ilulissaneersoq, Ove Thomassen taama oqarpoq.

Ukiut tamaasa uteqqiattunnguleraluarpoq  GSSip, AVIp aamma KT-VIp finalemut annguttarnerat.  PVN (Polar volley Nuuk) 2008-mi Nuummi pilersinneqarpoq maannalu pikkorissunik arlalinnik arsartoqarluni.

Iluliarmiut klubbiat IVK aamma pikkorinnernut unammillerluartalereerpoq peqataasinnaajunnaartulli arlaqarmata ukiormanna sakkukilliallassimallutik.

Klubbit arlallit naligiissagaluarpata sætini angusat apeqqutaaleratarsinnaapput finalemut annguttussarsiornermi.

- Aap, taamatut pisoqariataarsinnaavoq klubbit arlallit pointeqatigiissagaluarpata, Ove Thomassen taama oqarpoq.

Arnat unammersuarneranni ilimanarpoq  GSS aamma PVN naligiissaqisut ukiup ingerlanerani arlaleriarlutik unammmisarnerat ilaatigut sætit tallimaanni aatsaat ajugaasussarsisoqartarmat.

Angutini pissartanngorniuteqataasut tassaapput: GSS, PVN, AVI, KT-VI, IVK aamma TVK Tasiilameersoq. TVK timmisartut kinguaattoornerat pissutigalugu suli tikinngilaq unamminerminilu 0-3-mik ajorsartinneqartarnini akueraa. Taamatuttaaq arnartaat inissisimapput.

Arnani unammersuaqataasut tassaapput : GSS, PVN, KT-VI, IVK aamma TVK.

Aajuku sapaammi angusat:
Arnat:
PVN - KT-VI 3-0
GSS - TVK 3-0
PVN - IVK 3-0
TVK - IVK 0-3

Angutit:
KT-VI - IVK 3-0
GSS - AVI 0-3
PVN - TVK 3-0

Aajuku ataasinngornermi unamminissat: