Volleyball-imi finale oqaluttuarisaanermut ilannguppoq

AVI Maniitsumeersoq arnani angutinilu pissartanngorpoq. GSSip arnartai ukiuni 28-ni aatsaat finalemut anngutinngitsoorput.
Allattoq Noah Mølgaard
apriilip 07-at 2012 14:23

Nuannaarneq angeqaaq volleyballimi GM Maniitsup timersortarfiani tallimanngorneq tannaartoq naammassimmat. AVIp angutitai arnartaalu pissartanngorput finaleni tamaginni PVN Nuummeersoq ajugaaffigalugu.

GM-imi finale oqaluttuarisaanermut ilannguppoq GSS Nuummeersoq finalemut annguttuartarsimasoq ukiormanna semifinalemi PVN Nuummeersoq ajorsarfigigamikku.

Finalemi AVI Maniitsumeersoq arsarluarneruvoq arnallu siulliullutik finalermata AVI 3-1-mik PVN-imut ajugaavoq.

Tassani misilittagartooq Margrethe Kreutzmann AVI sinnerlugu aliannaarluni unammeqataavoq panini Eufinia Kreutzmann pissartanngoqatigalugu.

AVIp angutitai aamma finalemi aqutsisuupput tassanilu 3-0-mik PVN ajugaaffigereerlugu ammalortunngorlutik arnartatik nuannaarnerup pianik qiteqatigaat.

Arnat angutillu bronzennanniunneranni GSS tamatigut ajugaasarput arnani angutinilu KT-VI Kangaamiuneersoq ajugaaffigalugu.

Angusat:
GSS – KT-VI 3-0 bronzennanniunneq (angutit)
GSS – KT-VI 3-1 bronzennanniunneq (arnat)

PVN – AVI 3-0 finale (angutit)
PVN -  AVI 3-1 finale (arnat)