Volleyball-ertertartut arnat Island Games-ini ingerlalluarpallaanngitsut
juulip 11-at 2005 10:31
Kalaallit volleyball-ertartut arnat qeqertaaqqat unammiuaarneranni Skotland-imi ingerlanneqartumi ingerlalluarpallaanngillat.
Marloriarlutik ajorsareerput – ippassaq Saaremaa-mut ajorsaramik, ullumikkullu Jersey-mut.
Angutitaat iluatsitsinerupput, unamminerni pingasuni marloriarlutik ajugaagamik. Ippassaq Shetland-ip qeqertaararmiui kalaallinut ajugaasinnaasimanngillat. Åland-imiulli kalaallinut ajugaapput 78 minutsit unammereernermi kingorna 80-74-mik ajugaagamik.
Angutit Åland-imiunut ajorsarnertik nikalluallaatiginngilaat, ullaamannami Orkney-mi qeqertaarmiuinut ajugaapput 75-38-mik.
Angutit ullumi Savalimmiormiunut unammissapput.