Volleyball: AVI aamma PVN finalessapput
Semifinale ilimagineqareersutut KT-VI Kangaamiuneersoq aamma AVI Maniitsoq unammimmata naligiiffioqaaq. Unamminermi sætit tallimaanni aatsaat ajugaasussarsipput AVI 3-2-mik ajugaammat.
Semifinalep aappaani unammipput GSS aamma PVN Nuummeersut, tassanilu PVN 3-1-mik ajugaavoq. Taamaasilluni siullerpaamik PVN angutit finaleannut annguppoq.
Arnani finalessapput GSS aamma PVN tamarmik Nuummeersut. Bronzennanniunnermi unammissapput IVK Ilulissaniik aamma KT-VI Kangaamiuniik.
Aajuku ullumi unamminissat
Nal. 10.00 IVK - KT-VI (arnat bronzennanniunnerat)
Nal. 12.00 GSS - KT-VI (angutit bronzennanniunnerat)
Nal. 14.00 GSS - PVN (arnani finale)
Nal. 16.00 AVI - PVN (angutini finale)