VM-mut anngutinngillat
Angutit inuusuttuaqqat Amerikap nunavittaani assammik arsarluni unammersuarneranni, nunatsinnit peqataasut ullaaq naggataarutaasumik Puerto Rico-mut unammigamik, 40-32-nik isertitsillutik Kalaallit ajugaapput.
Amerikap nunavittaani assammik arsarluni unammersuarnerni Kalaallit ajugaanerat siullersaallunilu kingullersaraat.
Amerikap nunavittaani assammik arsarluni VM-mut inuusuttuaqqat anngunniunneranni kalaallit angutinngitsoornerannut, sungiusaasup Søren Hildebrandt-ip patsisilersuutigaa, Kalaallit peqataatitaat nunat allat peqataatitaanut naleqqiullugit nukarliunerusimaneri.
Inuusuttuaqqat Amerikap nunavittaani assammik arsarluni unammisuni arfiniliusuni Kalaallit normu 5-ngorput.
Unamminerni Argentina ajugaavoq, Brasilia tulliulluni Chilelu normu 3-ngorpoq.
Amerikap nunavittaani assammik arsarluni VM-mut inuusuttuaqqat anngunniunneranni Kalaallit Nunaanneersut perorsaatigilluaraat sungiusaasoq Søren Hildebrandt oqarpoq.