VM-imut unamminerit aallakaatinneqassapput

Nunarsuaq tamakkerlugu isikkamik arsaalluni pissartanngorniunnerit KNR-TV-kkut sapaatip akunnerata tulliani aallaatinneqartussat, tamarmik aallakaatinneqassapput.
Allattoq Jaaku Lyberth
juunip 24-at 2010 11:01

Inuit Issittormiut Siunnersuisoqatigiiffiata ICC-p ataatsimeersuarnera sapaatip akunnerani tulliuttumi pisussaq, KNR-TV-kkut toqqaannartumik aallakaatinneqartassaaq, VM-imut anngunniunnerit nalaanni.

Arsaalluni pissartanngorniunnerit 43-t aallakaatinneqarnissaannut KNR-TV isumaqatigiissuteqarpoq, taakkulu aallakaatinneqassapput. Arsaalluni unamminerit ilaat kingusinnerusukkut KNR-TV-kkut aallakaatinneqassapput.

Ottende-dels finalimut ataasinngorpat marlunngorpallu unamminerit ingerlanneqarneranni, ICC-p ataatsimeersuarnera KNR TV-kkut aallakaatinneqassaq.

VM-imut unamminerup aappaa KNR TV-ikkut ataatsinngorpat unnuakkut aatsaat aallakaatinneqarumaarpoq. VM-imut unamminerit ualikkut tallimat-qeqqata missaani aallakaatinneqartarnerat ingerlaannassaaq.

Ottende-delsimut anngunniunnerit marluk marlunngorpat unammissutigineqassapput. Unamminerup aappaata aallakaatinneqarnissaanut KNR TV isumaqatigiissuteqarpoq.

VM-imut unamminerit KNR TV-kkut aallakaatinneqarnerat ICC-ip ataatsimeersuarnerata aallakaatinneqarnissaanut akornusersuinavianngitsut KNR TV-p pisortaa Niels Pavia Lynge oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq