VM-imut anngunniuteqataasussat toqqarpaat

Nuna tamakkerlugu sungiusaasoq Niels Møller VM-imut anngunnissamik maannagaaq suli neriorsuinianngilaq, taamaattoq erseqqissarpaa pisinnaasartik tamaat tamaviaarumaarlutik.

Panamerikamiut Argentinami pissartanngorniunneranni kalaallit peqataassapput juunip 18-ianiit juunip 25-iata tungaanut. Unammersuarnerni pikkorinnerit pingasut 2013-mi Spaniami VM-ertoqarnissaanut anngutissapput.

Kalaallit unammisussaat tassaapput Danmarkimi klubbini unammisartut taakkununngalu ilaapput qanittumi Ilulissani BankNordik GM-imi malunniuteqarluartut.

Unammisartut ilisimaneqarluartut Jakob Larsen aamma Hans Peter Motzfeldt nammineq unammisartutut tunuarnikuupput. Maanna kinguaariit tulliit nangitsisussanngorput.

- Arsartartut ataasiakkaat eqqartorusunngilakka. Eqqarsaatigineruara suliassap iligiittut kivinneqarnsisaa, Niels Møller Ilulissani BankNordik GM-ip nalaani KNR-imut oqarpoq.

Aajuku kalaallit VM-imut anngunniukkiartussat:
1. Michael Lukacs, HØJ
2. Lars Kjølby, NÛK
3. Hans Karl Bertelsen, GSS
4. Miilu Rosing, GSS
5. Akutaaneq Kreutzmann, Vejle
6. Miki Heilmann, GSS
7. Angutimmarik Kreutzmann, Helsingborg
8. Jesper Markfoged, Skanderborg
9. Troels Aagaard, HC Midtjylland
10. Flent Ezekiassen, NÛK
11. Rasmus Larsen, HC Odense
12. Andreas Lorentzen, GSS
13. Miki Johnsen, JAI Århus
14. Miki Duko Sørensen, NÛK
15. Malik Frederiksen, GSS
16. Minik Dahl Høgh, HC Fyn

Sungiusaasoq: Niels Møller