Vivi Inger Kristiansen-iungaluaq ilisaavoq

Kalaallip arnap siorna toqutaasup, Vivi Inger Kristiansenip, ilisaanerani ilaqutaasut ikinngutaasullu 100-t sinnillit najuupput.
Allattoq Karsten Sommer
maajip 20-at 2009 11:37

Vivi Inger Kristiansenip timaa toqungasoq Ringstedip qanittuani orpippassuarni qanittukkut nassaarineqarpoq. Ringstedimi aviisimi DAGBLADET-imi allaaserineqarpoq Sct. Bendtip oqaluffiani Ringstedimiittumi isertariaaniit illerfiup tungaanut naqqa tamarmi naasortalersorneqarsimasoq.

- Vivi annilaarnaqisumik ajortumeerneqarsimavoq, toqunneqarlunilu. Pisoq tataatsannarpoq, alianarlunilu, palasi ilisisoq Henrik Fuglsang-Damgaard oqaaseqarpoq. Vivi Inger Kristiansen inuunermini naatsumi nuannaarnermik siaruarterivoq, naak timaata nassaarineqarnera alianaraluartoq, oqiliallannermittaaq ilaqarpoq.

Politiit TV2 aqqutigalugu takunnissimasinnaasunik saaffiginnissutertik iluatsittutut nalilerpaat. Saaffiginnittut ullut kingulliit arlaqarsimapput.

Vivi Inger Kristiansenilli toqutaasimaneranut paasiniaanerit suli ingerlanneqartut nalunaarutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq