Vittus Siumukkormiut ilaannaanit taperserneqarpoq

Kristian Jeremiassenip Finn Karlsenillu parteeqatertik Per Berthelsen taperserpaat, isumaqatigiinnginnerlu pilersimasoq nuannarinnginnerarlugu. Siumumili ilaasortartoqqat arlaata Ole Aggo Markussenip Vittus Qujaukitsoq illersorpaa.

Naalakkersuisunut siulittaasoq Aleqa Hammond, ullumikkut oqaaseqartinniaraluaratsigu iluatsinngilarput. Tusagassiorfinnut oqaaseqartartua sulinngiffeqarpoq, Hammondilu naalakkersuisut siulittaasuata naalakkersuisoqarfiani sulisut aqqutigalugu attavigineqarsinnaasimanani.

Vittus Qujaukitsup Facebookimi quppernerani oqaaseqaatit ilaat ima oqaasertaqarput:

Kristian Jeremiassen: Per Berthelsen-ip politikkikkut pinginnaasai nunatsinni siumullu iluani atorfissaqartipparput nunarput pillugu. Per taamaalilluni Inatsisartuniit Peertariaqalissooq kingullertut isertuungami. Peeriaraq atorfissaqartipparput.

Finn Karlsen: haluu Kari, ilumut tamanna pissutaasimassappat ippassaaninnguaq Per B. oqaaseqarnera tusarnaarakku isumaqanngikkaluarpunga ajortumik kinguneqassasoq, partiita iluani iluarinngisaqaraangatta isertornata uparuaasinnaneq inissaqartinneqartuarpoq, aammami taamatussaavoq. karituilli oqarusuppunga Per B. atorfissaartipparput politik aqqutigalugu innutaasunik sullissiniarnitinni, taamaasiortoqassappat Partiitunnut Siumumut iluaqutaanavianngilaq, aamma apeqqutaasaaq Inatsisartuni ilaasortani qanoq tapersersorneqartigissanersoq tassami naalakkersuisooqatigiit pingasuinnarnik amerlanerussuteqarpugut, miainersorfissaqarpugut imminut taamaaliorniarutta, suleqatigiiginnarta immitsinnut ATORFISSAQARTIPPUGUT!!!!!!

Per Berthelsen: Kari aamma finn qujanaq. Oqaaseqaatiga tassaannaavoq: "tupallunga ajuusaarlungalu tusarakku pisortaq uanga atorfinitsitara pikkorilluinnartutullu isigisara erngerluinbartumik soraarsimasoq kidiannili uanga Naalakkersuisuniinnginnama allatut oqaasissaqarnanga". Ila tupinnaralaqaaq tamanna ajortuliornertut angisuutut isigineqassappat. Taava orlov-ertarneq tamanur atuuttunngornarli assigiimmik pinninneq aallaaviuniassaaq inuttarsiuineq sungiusiaqisara pinnani. Qujavunfali ilissinnut.

Ole Aggo Markussen: Ukiut sisamat politikkimi suunngillat! Atagit, arfineq-pingasullu tigullugit :-)

Per Berthelsen: Inuit atorfimminnik atornerluisinnaapput. Suliat taamaaliorsinnaanngillat. Taamaammat isumaliortaatsit aporfiginagit suliniuteqattuuvunga. Assigiimmik isumaqalersitsiniaaneq killilersugaanani oqalussinnaatitaanerup taamatullu aamma tamat oqartussaaqataanerannut tamatumanilu tunuliaqutaasunut pingaaruteqarluinnartut akerliulluinnarpoq. Savalimmiuni Norgemilu qinikkat naalakkersuinngortut sulinngiffeqarnissaat pillugu inatsiseqarpoq, pissaaneqarfiit taakku marluk avissaaqqalluinnarnissaat anguniarlugu.

Ole Aggo Markussen: Øøøøhh, Per. Aalakoorpit?

Per Berthelsen: Ole quianarputit. Illit aamma taamatut aperissamaaruttorlutit.

Vittus Qujaukitsoq: Suna tamarmi killissaqartarpoq, aamma uanga naammagittarsinnaanera. Isumaliutersuutikka anippakka. Qanoq pisariaqartigissanersoq pisut tulliit takutikkumaarpaat. Aasarsiorluarisi.

Vittus Qujaukitsup Facebookimi quppernera tamanut ammasoq ugguuna iserfigalugu oqaaseqaatit allat atuarsinnaavatit: https://www.facebook.com/qujaukitsoq?fref=ts