ASSIT Vittus Randilu akisussaaffeqarfimminnik paarlaateqatigiittut
Anda Uldum siorna novembarip qaammataani napparsimasimalluni sulinngiffeqalermat Vittus Qujaukitsup (S) aningaasaqarnermut aatsitassanullu naalakkersuisuuffik akisussaaffigilerpaa, akisussaaffillu taanna Randi Vestergaard Evaldsenimut (D) ullumi tunniunneqarpoq.
Allattoq Camilla Dam
februaarip 02-at 2016 13:33
Suliassaqarfinnik tunniussisoqarmat naasunnattoqarlunilu tunissutisisoqarpoq. Randi Vestergaard Evaldsenip Inuussutissarsiornermut, Suliffeqarnermut Niuernermullu Naalakkersuisoqarfik Vittus Qujaukitsumut utertippaa, Vittus Qujaukitsullu Aningaasaqarnermut Aatsitassanullu Naalakkersuisoqarfimmut akisussaaffik Randi Vestergaard Evaldsenimut tunniullugu.
Suliassaqarfinnik tunniussinermi ilaatigut Naalakkersuisut siulittaasuat Kim Kielsen aamma ilinniartitaanermut, kultureqarnermut, ilisimatusarnermut ilageeqarnermullu naalakkersuisoq Nivi Olsen najuupput.
